پرەمەر-مينيستر اسقار مامين مەن «سامۇرىق-قازىنا» ۇاق» اق باسقارما توراعاسى احمەتجان ەسىموۆ «تسيفرلىق ترانسفورماتسيا: وندىرىستىك يننوۆاتسيالار مادەنيەتى» تاقىرىبىنداعى «Digital Samruk-2020» كونفەرەنتسياسىنا قاتىستى, دەپ حابارلايدى Egemen.kz پرەمەر-ءمينيستردىڭ ءباسپاسوز قىزمەتىنە سىلتەمە جاساپ.
شاراعا تسيفرلىق دامۋ, يننوۆاتسيالار جانە اەروعارىش ونەركاسىبى ءمينيسترى ب. مۋسين, قور مەن پورتفەلدىك كومپانيالاردىڭ توپ-مەنەدجەرلەرى قاتىستى.
تاراپتار قوردى جانە قازاقستان رەسپۋبليكاسىن تسيفرلاندىرۋدىڭ جاڭارتىلعان تاسىلدەرىن تالقىلادى, سونداي-اق «سامۇرىق-قازىنا» تسيفرلىق ترانسفورماتسيالاۋ باعدارلاماسىن ىسكە اسىرۋ ناتيجەلەرىمەن تانىستى.
قازىرگى تاڭدا «سامۇرىق-قازىنا» تسيفرلىق ترانسفورماتسيا باعدارلاماسىنىڭ پورتفەلى 71 جوبادان تۇرادى. سونىمەن قاتار بيىل جاڭا يدەيالاردى ۇنەمى ىزدەستىرۋ پروتسەسى ىسكە قوسىلدى — 250 جاڭا يدەيا جينالدى, ولاردىڭ 16-سى جوبالارعا اۋىستىرىلدى. ۇكىمەت باسشىسى قازاقستاننىڭ بۇۇ رەيتينگىندە «ەلەكتروندى ۇكىمەتتىڭ» دامۋ دەڭگەيى بويىنشا 30 وزىق ەلدىڭ قاتارىنا كىرگەنىنىڭ ماڭىزدىلىعىن اتاپ ءوتتى.
بيۋدجەت سالاسىندا تسيفرلىق تەحنولوگيالاردىڭ ءبىر عانا ءتۇرىن — ەلەكتروندىق شوت-فاكتۋرالار جۇيەسىن ەنگىزۋ ەسەبىنەن قارجى مينيسترلىگى بيۋدجەتكە تۇسەتىن تۇسىمدەردى 400 ملرد تەڭگەگە ارتتىردى.
اسقار مامين سالىقتىق اكىمشىلەندىرۋ, ءبىلىم بەرۋ, مەملەكەتتىڭ ازاماتتارمەن جانە بيزنەسپەن ءوزارا ءىس-قيمىلى سالالارىنا جاساندى زەردە مەن Big Data تەحنولوگيالارىن ەنگىزۋ قاجەت ەكەنىن اتاپ ءوتتى. پرەمەر-مينيستر قازاقستاندا بىرىڭعاي سايكەستەندىرۋ ورتالىعى قۇرىلاتىنىن, ول حالىققا جانە بيزنەسكە قۇجاتتار مەن انىقتامالاردى قاجەت ەتپەي-اق, مەملەكەتتىك جانە كوممەرتسيالىق ۇيىمدارمەن جۇمىس ىستەۋگە جول اشاتىنىن اتاپ ءوتتى. بۇگىندە مەملەكەتتىك ورگانداردىڭ بيزنەس-ۇدەرىستەرىن رەينجينيرينگتەۋ ورتالىعى ءوز جۇمىسىن باستادى.
پرەمەر-مينيستر بولاشاقتىڭ تسيفرلىق ەكونوميكاسىن دامىتۋدا ساپالى «سەرپىلىستى» جۇزەگە اسىرۋدىڭ جانە قر-دا پلاتفورمالىق مودەلگە كوشۋدىڭ ماڭىزدىلىعىن اتاپ ءوتتى. ۇكىمەت باسشىسى بايلانىس ينفراقۇرىلىمىن دامىتۋ اياسىندا اۋىلداردى وپتيكالىق بايلانىس جەلىلەرىمەن جانە ءموبيلدى ينتەرنەتپەن قامتاماسىز ەتۋ بويىنشا جۇمىستار جۇرگىزىلىپ جاتقانىن اتاپ ءوتتى. جاڭا ءورشىل ءمجا جوباسى — اگرو جانە ونەركاسىپتىك كاسىپورىندار ءۇشىن 50 ملرد تەڭگە ينۆەستيتسيا كولەمىمەن بايلانىستى قامتاماسىز ەتۋ قولعا الىندى. اتالعان ينۆەستيتسيالار 100 ملن گەكتاردان استام جەردى بايلانىسپەن قامتۋعا مۇمكىندىك بەرەدى, بۇل ونىمدىلىكتىڭ 20%-عا ارتۋىنا جانە شىعىنداردىڭ 15%-عا قىسقارۋىنا اكەلەدى.ا. مامينگە «سامۇرىق-قازىنا» ۇاق» اق تسيفرلىق ترانسفورماتسيالاۋ باعدارلاماسىن ىسكە اسىرۋ, ونىڭ ىشىندە مۇناي وڭدەۋ, تەمىرجول, اتوم جانە باسقا دا قر ەكونوميكاسىنىڭ سالالارىنىڭ كاسىپورىندارىن تسيفرلاندىرۋ ناتيجەلەرى تۋرالى باياندالدى.
«سامۇرىق-قازىنا» ۇاق» اق باسقارما توراعاسى احمەتجان ەسىموۆ قوردىڭ تسيفرلىق ترانسفورماتسيالاۋ باعدارلاماسىن ىسكە اسىرۋدىڭ تازا پايداسى 128 ملرد تەڭگەنى قۇراعانىن حابارلادى. قوردىڭ تسيفرلىق ترانسفورماتسياعا جاڭا تاسىلدەرى وندىرىستىك پروتسەستەردى جاقسارتۋعا نازار اۋدارا وتىرىپ, ستراتەگيالىق پاك-گە قول جەتكىزۋدى جانە وندىرىستەگى ءتۇيىندى جۇيەلى پروبلەمالاردى شەشۋدى كوزدەيدى. مۇناي وڭدەۋ زاۋىتتارىن تسيفرلاندىرۋدىڭ ناتيجەلەرى ءساتتى مىسال رەتىندە كەلتىرىلدى. ءاموز جانە ءپموز جابدىقتارىنا تەحنولوگيالىق قىزمەت كورسەتۋ جانە جوندەۋ جۇيەسىن وزگەرتۋ 3 جىلدىق جوندەۋ ارالىق كەزەڭگە قول جەتكىزۋگە مۇمكىندىك بەردى. 2019-2020 جىلدارداعى پايدا 3,5 ملرد تەڭگەنى قۇرادى. «قازاتومونەركاسىپ» ۇاك» اق ەنشىلەس ۇيىمى «ينكاي» جشس-ىندا پروتسەستەردى تسيفرلاندىرۋ جوندەۋگە جۇمسالاتىن ۋاقىتتى 5%-عا دەيىن قىسقارتۋعا, پەرسونالدىڭ كىناسىنەن جابدىقتىڭ ىستەن شىعۋىن 15%-عا دەيىن تومەندەتۋگە, جابدىقتىڭ جۇمىسسىز تۇرىپ قالۋ ۋاقىتىن 9%-عا دەيىن قىسقارتۋعا مۇمكىندىك بەردى.
«KEGOC» اق بىرىڭعاي ەلەكتر ەنەرگەتيكالىق جۇيە رەجيمدەرىن باسقارۋدى اۆتوماتتاندىردى, «قازاقستان تەمىر جولى» اقاۋلاردى ۋاقىتىلى جويۋعا ارنالعان جاڭا ءموبيلدى دياگنوستيكالىق كەشەندەردى ىسكە قوستى, «قازمۇنايگاز» «زياتكەرلىك كەن ورنى» تۇجىرىمداماسىن ىسكە اسىردى. قور سونداي-اق تالانتتى جاستارعا ارنالعان «جاس وركەن» جانە «تسيفرلىق جاز» باعدارلامالارىن ىسكە قوستى, ولار بويىنشا قازىرگى ۋاقىتتا 113 جاس مامان جۇمىسقا ورنالاستىرىلدى.
بۇل باعدارلامالار قازاقستاندىق جوعارى وقۋ ورىندارىنىڭ باكالاۆريات جانە ماگيستراتۋرا ستۋدەنتتەرىنىڭ 2 ايلىق تاعىلىمدامادان ءوتۋ مۇمكىندىگىن, ال تۇلەكتەردىڭ ودان ءارى بوس جۇمىس ورىندارىنا ىرىكتەۋمەن «سامۇرىق-قازىنا» ۇاق» اق پورتفەلدىك كومپانيالارىندا 20 ايلىق اقىلى تاعىلىمدامادان ءوتۋ مۇمكىندىگىن كوزدەيدى.